बंदी असतांना गुटखा येतो कुठून ? - डॉ परवेज अशरफी
एम आय एम ने केली सी आय डी चौकशीची मागणी
अहमदनगर - अहमदनगर एम.आय.डी.सी. येथे एका इसमाच्या शेतात पत्र्याचे शेड येथे छापा टाकून गुटका, मावा, सुगंधी पदार्थ असे वेग वेगळ्या प्रकारचे बंदी असलेले करोडो किंमतीचे गुटका छापा टाकून पकडण्यात आले. पोलीस प्रशासनाने केलेल्या कामाचा कौतुक करावे तितके थोडे आहे.सध्या युवा पिढी गुटका मावा सिगारेट चे आहारी गेले असुन एक वेळेस जेवायला भेटले नाही तरी चालेल परंतु गुटका मावा मिळालाच पाहिजे, त्यासाठी काहीही करण्याची तयारी या व्यसणी माणसाची झाली आहे. तरुण पिढी व्यसनामुळे बरबाद होत असल्याने महाराष्ट्रात गुटखा बंदी कायदा अमलात आहे. आणि पूर्ण महाराष्ट्रात गुटखा, मावा, सुगंधी पदार्थ असे अनेक व्यसनाचे पदार्थ महाराष्ट्र सरकार ने विक्रीस बंदी घातली. त्याच बरोबर गुटका मावा विक्री करतांना कोणी आढळला तर त्यांच्यावर भारतीय दंड कलम नुसार गुन्हा दाखल करण्याची तरतूद करण्यात आली.परंतु तरी देखील महाराष्ट्रात दर रोज करोडो रुपयांचा व्यसनी गुटका मावा येत आहे. त्याचा जिवंत उद्हारण म्हणजे अहमदनगर येथे करोडो किमतीचा मावा गुटखा सुगंधी पदार्थ एकच छाप्यात मिळणे. एका छाप्यात जर करोड रकमे पेक्षा जास्त व्यसनी पदार्थ मिळाली असेल तर दर रोज फक्त अहमदनगर येथे करोडो रकमेचा मावा गुटखा सरास विकला जात आहे. तर पूर्ण महाराष्ट्रात एका दिवसात अब्जो रकमेचा गुटका मावा विकला जात असेल. महाराष्ट्र गुटखा बंदी असताना करोडो रुपयाचा गुटका येतो कोठुन आणि पूर्ण राज्यच्या जिल्हा जिल्ह्यात कसा पोहोच केला जातो? असा प्रश्न एम आय एम जिल्हाध्यक्ष डॉ परवेज अशरफी यांनी उपस्थीत केला आहे.
मुख्यमंत्री यांना देण्यात आलेल्या निवेदनात असे लिहिले आहे की, कच्चा प्रक्रिया न केलेल्या तंबाखुची व सुपारीची चव आणि घडण आकर्षक नसल्याने, तंबाखू आणि सुपारीमध्ये विषेश प्रकारचे स्वादिष्ट किंवा सुगंधी अपमिश्रीत मिश्रित केल्यामुळे आकर्षण वाढते. त्यामुळे या पदार्थ मोठ्या प्रमाणात मुलांना व जनतेला आकर्षित करत आहे. त्यामुळे राज्यात मोठ्या प्रमाणात व्यसन लागत वाढली आहे. याच्या खाणाऱ्यांच्या आरोग्यावर विपरीत परिणाम होत आहे. आणि भावी पिढ्यांच्या शरीरावर परिणाम होत आहे. हे पदार्थ आरोग्यासाठी घातक असल्याने अन्न सुरक्षा व मानक ( संदुष्क, विष व अवशेष ) विनिमय २०२१, अन्न सुरक्षा व मानके ( अन्न पदार्थाचा दर्जा व अन्न मिश्रक पदार्थ) विनिमय २०२१, अन्न सुरक्षा व मानके ( विक्रीवर प्रतिबंध व निर्बंध ) विनिमय २०२१ या अन्वय प्रतिबंध घालण्यात आले आहे. प्रतिबंध असतांना सुद्धा करोडोचा गुटखा महाराष्ट्रात दर रोज कोणत्या मार्गाने येतो, व कसे प्रत्येकाला पाहिजे तितका मिळतो ? या गुटखा माव्याचे कुठे कुठे साठवण केली जाते ? या गुटखा खरिदी विक्रीत कोण कोणाचा आणि किती किती हिस्सेदारी आहे ? याची चौकशी करणे खूप गरजेचे आहे. महाराष्ट्रात इतक्या मोठ्या प्रमाणत गुटखा विक्री होत आहे, या गुटखा आयातीत कोणती शक्ती आपली ताकत लावत आहे? याची चौकशी करणे गरजेचे आहे.महाराष्ट्रात गुटका बंदी असताना गुटख्याची आयात दुसऱ्या राज्यातून होत आहे. आणि योग्य ठिकाणी पोहोच होत आहे. या सगळ्या मागे राजकीय नेते, शासनातील मोठ्या पदावर बसलेले अधिकारी यांचा समावेश असल्याची शक्यता नाकारता येत नाही.
एम आय एम जिल्हाध्यक्ष डॉ परवेज अशरफी यांनी सांगितले की अहमदनगर येथे एका ठिकाणची माहिती मिळाल्याने करोडो किमतीचा गुटखा जप्त करण्यात आले. सर्वात महत्वाचे म्हणजे सदर कामगिरी ही पोलीस प्रशासनाने केली. यात अन्न व औषध प्रशासन यांना बरोबर घेतले नाही. यामुळे काही प्रश्न निर्माण झाले आहे. अन्न व औषध प्रशासन यांना सदर घटनेची माहिती देण्यात आली नव्हती का ? जर देण्यात आली होती तर अन्न व औषध प्ररशासनातील एक हि अधिकारी उपस्थित का नव्हता? जिल्ह्यात बंदी असलेला साठ कोणाच्या मदतीने येतो व कसे वाटप होते. याची चौकशी करणे गरजेचे आहे.
निवेदनाच्या माध्यमातून मुख्य मंत्री साहेबांना विनंती करण्यात आली आहे की सदर प्रकरणाची सी आय डी मार्फत चौकशी करावी. आणि हा विषारी गुटखा महाराष्ट्रात आयात करण्या साठी मदत करणारे राजकीय नेते, प्रशासनातील अधिकारी, यांची हकीकत जनते समोर अणावी. त्याच बरोबर अहमदनगर येथे पकडण्यात आलेल्या करोडो रकमेचा गुटखा मावा याचीही चौकशी करावी की इतक्या मोठ्या प्रमाणात शहरात गुटखामावा येतो आणि सरास विकला जातो याचाच अर्थ या लोकांना राजकीय आणि प्रशासनातील अधिकारीची मदत असण्याची शक्यता आहे.
जे आरोपी पकडले गेले ते या धंद्यातील प्यादे असल्याने मुख्य आरोपी किंवा सूत्रधार अजून हाताला लागलेले नसल्याचे व प्रकरणाची योग्य चौकशी केली तर यात महाराष्ट्रातील प्रतिष्ठित उद्यागपती, नागरिक ज्यांचे राजकीय संबंध आहे, राजकारणातील नेते, प्रशासनातील अधिकारी यांचा संबंध असण्याची शक्यता नाकारता येत नाही.
एम आय एम जिल्हाध्यक्ष डॉ परवेज अशरफी यांनी मुख्य मंत्री यांना सी आय डी मार्फत चौकशी करण्याची मागणी केली आहे.
