पुणे शहरात फुटपाथवर फिरणारी निराधार माता मानवसेवा प्रकल्पात दाखल
पुणे येथील बोट क्लब रोड बंडगार्डन परिसरात एक निराधार मानसिक विकलांग माता थंडीने कुडकुडत फुटपाथवर फिरत होती. ही बाब पुणे महानगरपालिकेचे कर्मचारी यांच्या निदर्शनास आली. पुणे महानगरपालिकेने या महिलेबाबत कोरेगाव पार्क पोलीस स्टेशन पुणे यांना कळविले. या निराधार मातेच्या सुरक्षिततेचा आणि संरक्षणाचा प्रश्न समोर येताच कोरेगाव पार्क पोलीस स्टेशनचे वरिष्ठ पोलीस निरिक्षक श्री दिलीप शिंदे, महिला पोलीस उपनिरिक्षक सौ. मनिषा टुले, प्रदिप देवकुळे यांनी अहमदनगर जिल्ह्यातील अरणगाव (मेहराबाद) येथील रस्त्यावरील निराधार माता-भगिनीं व बंधुच्या पुनर्वसनासाठी कार्य करणा-या *मानवसेवा* प्रकल्पाचे संस्थापक दिलीप गुंजाळ यांच्याशी चर्चा केली. दिलीप गुंजाळ व त्यांच्या स्वयंसेवक टीमने कोणत्याही प्रश्नांच्या जंजाळात न पडता *आज बुधवार दि. १०/०२/२०२१* रोजी या उपेक्षित मातेला मानवसेवा प्रकल्पात दाखल करुन घेत मायेचा आधार दिला. या मातेवर मानसोपचार तज्ञ डाॅ. अनय क्षीरसागर, डॉ. सुरेश घोलप यांच्या मार्गदर्शनाने उपचार सुरु केले आहे. या निराधार मातेला दाखल करतेवेळी पुणे येथून कोरेगाव पार्क पोलीस स्टेशनचे महिला पोलीस उपनिरिक्षक सौ.मनिषा टुले, पोलीस नाईक संगिता गवारी, जयश्री ढोमे, सामाजिक कार्यकर्ते प्रदिप देवकुळे, प्रतिक महामुनी, स्वाती डिबळे उपस्थित होते. समुपदेशन,पुनर्वसनाकरीता मानवसेवा प्रकल्पाचे स्वयंसेवक अनिता मदणे, प्रसाद माळी, राहुल साबळे अशोक मदणे, सुशांत गायकवाड, सोमनाथ बर्डे, नितीन बर्डे, स्वप्नील मधे, कृष्णा बर्डे, अजय दळवी, सिराज शेख परिश्रम घेत आहेत.
•••••••••••••••••••••••••••
*मानवसेवा प्रकल्प*
(मन व घर हरवलेल्या मानसांच हक्काच घर)
द्वारा - *श्री अमृतवाहिनी ग्रामविकास मंडळ*
☎ (०२४१) २४२९९४२
📱९०११७७२२३३ /९११२०५९१९१ / ९११२०४९१९१
वाचा -
Covid-१९ च्या वाढत्या संसर्गामुळे अन्न व औषध प्रशासने घेतला हा निर्णय - FDA ...
No comments:
Post a Comment