बनावट सॅनिटायझर जप्त - duplicate sanitizer

सुरत मधून येत होता बनावट सॅनिटायझर

ठाणे - 

अन्न व औषध प्रशासनास दक्षता-गुप्तवार्ता विभागास डोंबिवलीत काही विक्रेत्याकडे बनावट हँड सॅनिटीझर उपलब्ध असून त्यावर संशयास्पद उत्पादन परवाना क्रमांक असून , उत्पादकचे नाव व पत्ता नसल्याची गोपनीय माहिती प्राप्त झाली होती. या माहितीची पडताळणी करून दिनांक 2.12.2020 रोजी प्रशासनाच्या गुप्तवार्ता विभाग, मुख्यालय व ठाणे परिमंडल 6 व 7 च्या औषध निरीक्षकांनी शुगर सेंटर, सरस्वती कॉलनी, डोंबिवली (पूर्व) व आर. आर. इस्टेट एजन्सी , राजेंद्र प्रसाद रोड, डोंबिवली (पूर्व) येथे धाड टाकून, त्यांच्याकडे विक्रीसाठी उपलब्ध असलेला आरुष हँड सॅनिटीझर चा सुमारे रू 6.80 लाख रुपयांचा साठा, खरेदी बिल, व इतर कायदेशीर पुरावे सादर न केल्याने नमुने विश्लेषणास घेऊन जप्त केला. सदर साठा या दुकानदारांनी मे जे. पी. पेंट अँड केमिकल, सुरत यांच्याकडून प्राप्त करून घेतला असल्याचे सांगितल्याने व नमूद उत्पादन परवाना क्रमांक अन्न व औषध नियंत्रण प्रशासन, गुजरात यांनी दिला नसल्याचे प्राथमिक चौकशीत आढळले. सदर साठा बनावट व विनापरवाना उत्पादन केला असल्याचा संशय बळावल्याने या उत्पादनाची माहिती तातडीने गुजरात राज्याच्या अन्न व औषध नियंत्रण प्रशासनस गोपनीयरीत्या कळविण्यात आली. या माहितीच्या आधारे अन्न व औषध नियंत्रण प्रशासन, सूरत, गुजरात च्या पथकाने दिनांक 3. 12. 2020 रोजी जे. पी. पेन्ट अँड केमिकल्स, सुरत येथे धाड टाकून विनापरवाना उत्पादित हँड सॅनिटीझर व हँड वॉश चा सुमारे रु 13 लाखचा साठा जप्त केला. या धाडी वेळी या उत्पादककडे उपलब्ध परवाना प्रत व इतर प्रमाणपत्र बनावट असल्याचे निदर्शनास आले.   

डोंबिवली, ठाणे येथील कारवाईमध्ये ठाणे कार्यालयाचे औषध निरीक्षक श्रीमती शीतल देशमुख, श्री नितीन अहेर, श्री नरवणे, श्री तासखेडकर व गुप्तवार्ता (औषधे) शाखेचे औषध निरीक्षक श्री. यादव श्री गादेवार, व श्री रोकडे, सहाय्यक आयुक्त यांनी सहभाग घेतला. सदर कारवाई श्री अभिमन्यू काळे, भा. प्र. से., माननीय आयुक्त, अन्न व औषध प्रशासन श्री. सुनील भारद्वाज सहआयुक्त (दक्षता), श्री पौंनीकर, सह आयुक्त (औषधे) , कोकण विभाग यांच्या मार्गदर्शनाखाली करण्यात आली. 

अन्न व औषध प्रशासन महाराष्ट्र राज्य नियमितपणे आंतरराज्य औषध नियंत्रण विभागांशी समन्वय ठेवून औषध विषयक बेकायदेशीर कामांची माहितीचे वेळोवेळी आदानप्रदान करून कारवाई घेण्याबाबत विनंती केली जाते. नुकतीच या पूर्वी अशीच एक कारवाई केरळ प्रशासनास कळविली असता तिथेसुद्धा विनापरवाना उत्पादन कारखाना शोध घेऊन जप्ती कारवाई घेण्यात आली होती. मा आयुक्त, अन्न व औषध प्रशासन यांनी जनतेने औषधांची खरेदी परवानेधारक दुकानदाराकडून खरेदीबिलाद्वारे करावी व जर एखादे संशयास्पद औषधबाबतची माहिती आढळल्यास प्रशासनाच्या टोल फ्री क्रमांक 1800222365 वर कळविण्याचे आवाहन केले.

वाचा - 

अ.भा. किसान कामगार समन्वय समितीच्या वतीने मार्केटयार्ड चौकात रास्ता रोको..

लव जिहाद पर उच्च न्यायालय का निर्णय -love jihad..

महातमा फुल्यांच्या विचारांची फुलबाग फुलवा - MUZAFFAR SAYYED....