तज्ञ डॉक्टरांकडून उपचार करुन घेणे आवश्यक - डॉ.जहिर मुजावर
फोटो - पैगंबर जयंतीनिमित्त रामचंद्र खुंट येथील अल-करम हॉस्पिटल मॅटरनिटी अ‍ॅण्ड नर्सिंग होम येथे मोफत सर्वरोग निदान शिबीराचे आयोजन करण्यात आले होते. याप्रसंगी हाफिज अबुल कासिम, तौफिक तांबोळी, शेर अली शेख, एजाज तांबोळी, डॉ.जहिर मुजावर, डॉ.नाजिया मुजावर आदि.
अहमदनगर - आज कोरोनामुळे सर्वसामान्यांमध्ये भितीचे वातावरण आहे, त्यामुळे छोट-छोट्या आजारावरही घरगुती उपचार करण्यात येत आहेत. त्यामुळे आजाराचे योग्य प्रकारे निदान न झाल्यास आजार बळावतो. लॉकडाऊनच्या काळात व्हॉटस्अपवर अनेक आजारावरील उपचारांबाबत माहिती येत, परंतु ते उपचार सर्वांनाच लागू होतील, असे नाही. यासाठी नागरिकांनी आजारांबाबत जागरुक राहून तज्ञ डॉक्टरांकडून तपासणी करुन उपचार घेणे आवश्यक आहे. कोरोनामुळे आर्थिक संकटात सापडलेल्या लोकांना मोफत तपासणी व उपचार अल-करम सोशल सोसायटीच्यावतीने उपलब्ध करुन दिल्याने मोठा दिलासा मिळाला आहे. अशा शिबीराचा गरजूंना नक्कीच फायदा होतो, यासाठी अशा शिबीराचे नियमित आयोजन झाले पाहिजे, असे प्रतिपादन डॉ. जहिर मुजावर यांनी केले.
अल-करम सोशल अ‍ॅण्ड एज्युकेशन सोसायटीच्यावतीने पैगंबर जयंतीनिमित्त रामचंद्र खुंट येथील अल-करम हॉस्पिटल मॅटरनिटी अ‍ॅण्ड नर्सिंग होम येथे मोफत सर्वरोग निदान, उपचार, रक्तगट तपासणी, शुगर तपासणी शिबीराचे आयोजन करण्यात आले होते. या शिबीराचे उद्घाटन 22 नं.मस्ज़िदचे पेशइमाम हाफिज अबुल कासिम यांच्या हस्ते झाला. यावेळी तौफिक तांबोळी, शेर अली शेख, एजाज तांबोळी आदि उपस्थित होते.
या शिबीरामध्ये डॉ.जहिर मुजावर, डॉ.नाजिया मुजावर यांनी 170 रुग्णांची तपासणी करुन उपचार केले. लॅब टेक्निशियन राहिल शेख, सैफ शेख, अमिन शेख यांनी सहकार्य केले.
वाचा -
ईद निमित्त मुस्लीम समाजाने केली ग्रामीण रुग्णालयाला मदत
