कोण विचारणार आहे का?

 

कोण विचारणार आहे का? 

               सर्वसामान्य माणसाला ग्रामीण व शहरी भागात शासकीय आर्थिक सामाजिक शैक्षणिक योजनांची माहिती अंमलबजावणी होणेसाठी. शासनाने प्रत्त्येक विभागाकडून एक कल्याणकारी मंडळ स्थापन करण्यात आले आहे. त्याचप्रमाणे 

            ग्रामीण भागातील लोकांचा रोजगार हा स्थायी नाही नसतो त्यामुळे त्यांच्या हाताला वर्षभर पुरेसा रोजगार उपलब्ध होत नाही. यामुळे ग्रामीण भागातील नागरिक. हे मागास प्रवर्ग म्हणून ओळखले जातात. आपली रोजगाराची असणारी तुट भरून काढण्यासाठी ग्रामीण भागातील लोकांचा रोजगार शोधात. शहराकडे वाढवणारा लोंढा. त्यामुळे. राहण्याचा पिण्याच्या पाणी. शिक्षण अभाव. सामाजिक अस्थिरता. यामुळे वाढती गुन्हेगारी. रोजगार अभाव यामुळे वाढते अवैध धंदे व्यसनाधीनता. असे एक नाही अनेक प्रश्न आज आपल्या पुढे आ वासून उभे राहिले आहेत त्यामुळे तरुण पिढी धोक्यात आली आहे. सर्वांना वर्षभर पुरेसा रोजगार आपल्या गावातच उपलब्ध व्हावा यासाठी 

             शासनाने महाराष्ट्र उधोग उर्जा व कामगार विभागाच्या दिनांक. २५/२/२०१३ रोजी प्रसिद्ध करण्यात आलेल्या शासन निर्णयानुसार ग्रामीण भागासाठी संजिवनी माणली जाणारी. * महात्मा गांधी रोजगार हमी योजना. * व त्याअंतर्गत रोपवाटिका. घर घर गोठा. गोबर गॅस. वृक्ष लागवड. वृक्षसंवर्धन. लहान लहान बंधारे भरणं. खणण. औषधी वनस्पती लागवड देखरेख. अशी विविध कामे करणार्या कामगारांची नोंदणी महाराष्ट्र इमारत व इतर बांधकाम कामगार कल्याणकारी मंडळात करण्यासाठी स्थापन केलेल्या जिल्हा स्तरीय समन्वय समितीचे पुनर्गठन करणे व तीची कार्यक्षमता वाढविण्यासाठी शासनाने निर्णय घेतला होता 

          वरील विषयास अनुसरून समाजसेवक या माध्यमातून लोकांचा जास्ती जास्त संपर्क असणारे समाजातील. मग ते कोणत्याही प्रवरगातील. असू दे. फक्त तो समाजसेवक कोणत्याही पक्षाचा कार्यकर्ता नसावा. असा शासन निर्णय जारी करण्यात आला होता

              मा जिल्हाधिकारी कार्यालय सांगली यांचेकडून २०१८ एक परिपत्रक जारी करण्यात आले होते. त्यानुसार ग्रामीण भागात शासकीय योजना प्रचार प्रसार प्रसिध्दी जाहिरात करणारे समाज प्रबोधन करणारे समाजसेवक. महात्मा गांधी स्वयंरोजगार हमी योजनेत सदस्य म्हणून निवड करण्याचे पत्रक जारी केले होते 

            बांधकाम कामगार व इतर श्रमजीवी कर्मचारी युनियन इस्लामपूर यांनी महात्मा गांधी रोजगार हमी योजनेच्या सदस्य निवडीसाठी आम्ही संबंधित कार्यालयात. मा जिल्हाधिकारी कार्यालयात ९/१/२०१८ ‌रोजी. निवेदन सादर केले होते. १६/२/२०१८ रोजी इस्लामपूर नगरपरिषद इस्लामपूर यांचेकडे निवेदनाद्वारे मागणी केली होती. १६/२/२०१८ रोजी इस्लामपूर तहसिलदार कार्यालय येथे निवेदन दिले होते. ९/१/२०१८ रोजी जिल्हाधिकारी कार्यालयात रोजगार हमी योजना सांगली या विभागात मागणी साठी निवेदन दिले होते. ९/१/२०१८ रोजी समाज कल्याण विभाग सांगली तेथे सदस्य निवडीसाठी निवेदन दिले होते. ९/१/२०१८ रोजी सहायक कामगार आयुक्त भवन विश्राम बाग सांगली येथे सदस्य निवडीसाठी निवेदन दिले होते. युनियनच्या माध्यमातून आजपर्यंत निस्वार्थी पणे फक्त आणि फक्त आपण समाजाचे काहीतरी देणे लागतो ही भावना मनात घेऊन काम करणारे आमच्या युनियनचे संस्थापक अध्यक्ष अहमद नबीलाल मुंडे यांची निवड करण्यात यावी यासाठी संबंधित ग्रामीण भागातून मागणी करण्यात आली होती. आम्हाला कोणताही राजकीय वरदहस्त नाही. कोणी नेता पुढारी. कोणतेही पैशांचे पाठबळ नाही. जनसमुदाय भरघोस पणे पाठीमागे आहे. फक्त आम्हाला समाजसेवा करण्यासाठी महात्मा गांधी रोजगार हमी योजना सदस्य म्हणून निवड करण्यात यावी. 

            बांधकाम कामगार व इतर श्रमजीवी कर्मचारी युनियन इस्लामपूर ही युनियन कोणत्याही पक्षाला निगडित नसल्यामुळे आमच्या मागणीचा राजकीय दबामुळे विचार करण्यात आलेला नाही. 

    आज जवळपास तीन वर्ष पूर्ण होत आली आहेत पण आम्ही दाखल केलेल्या एकाही पत्राचा आम्हाला लेखी स्वरूपात उत्तर देण्यात आले नाही. तुम्ही आम्हाला सदस्य म्हणून निवडू नका पण का ? निवड करता येणार नाही याचे कारण तरी आम्हाला लेखी कळविणे आपली जबाबदारी आहे आणि तशी शासन तरतूद आहे पण आज कोणत्याही शासकीय आॅफिस मधून निवेदन तक्रार अर्ज मागणी अर्ज यांना कोणतेही लेखी उत्तर दिले जात नाही. ही बाब विचार करण्यासारखी आहे. सदस्य निवड झाली किंवा नाही हे कळविणे गरजेचे होते. त्याठिकाणी कोणाची कोणत्या कागदपत्राने निवड झाली हे सुद्धा सांगणे गरजेचे होते. असा कोणताही पत्र व्यवहार करण्यात आलेला नाही म्हणजे शासनाचा लाखो रुपये पगार घेऊन ए सी आॅफिस मध्ये बसून सर्वसामान्य माणसाला गोरगरीब लोकांच्या पत्राला कचराकुंडी दाखविली काय ? असं आमचंच नाही अशी कित्येक पत्र व्यवहार आज उत्तराची वाट पाहत आहेत त्यांना उत्तर मिळणार का ? यांना कोण विचारणार आहे का ?  

            समाजसेवा बंद आंदोलन मोर्चा उपोषण रस्ता रोको आंदोलन निवेदन तक्रार अर्ज मागणी अर्ज प्रचार प्रसार जाहिरात प्रसिद्ध वाचन लेखन संबोधन प्रबोधन आणि मग नेतृत्व करण्यासाठी

बांधकाम कामगार व इतर श्रमजीवी कर्मचारी युनियन इस्लामपूर

रुग्ण हक्क व अधिकार समिती सांगली जिल्हा

रेशन अधिनियम कायदा २०१३ रक्षक समिती सांगली जिल्हा

मौलाना आझाद विचार मंच सांगली जिल्हा

माहिती अधिकार नियोजन समिती सांगली जिल्हा

संस्थापक अध्यक्ष अहमद नबीलाल मुंडे

९८९०८२५८५९