कारभार इस्लामपूर तहसिलदार कार्यालयाचा

 

इस्लामपूर तहसिलदार

  कार्यालयात सक्षम अधिकारी नाहीत असा अनुभव आम्हाला वेळोवेळी आला आहे. तहसिलदार कार्यालय हे तालुक्याच्या ठिकाणी असणारे जिल्हाधिकारी कार्यालय आहे. जिल्ह्याच्या ठिकाणी जाऊन ज्या लोकांना आपले विविध पत्र व्यवहार. मागणी अर्ज स्मरण पत्र. निवेदन. महसूल संबधी विषय. रेशन कार्ड संबधी विषय. जमीनीचा असणारा विषय. अशी विविध प्रकारची कामे लोकांचा वेळ आणि पैसा वाचावा यासाठी तहसिलदार कार्यालय एक न्यायालय म्हणून आपले काम करत असते. पण यातील अधिकारी व कर्मचारी. यांनी तहसिलदार कार्यालय एक पैसा मिळविण्याचे साधन केलं आहे. त्यातच. स्टॅम्प घोटाळा जागोजागी एजंट दलाल यांना पैसा दिल्याशिवाय कोणतेही काम होत नाही जसे रेशनकार्ड कोणताही अर्ज निकाली काढण्यासाठी काहीतरी द्यावे लागते. तहसिलदार यांच्या गैरहजेरीत तहसिलदार कार्यालयात कोणत्याही कामात अडचण येवू नये म्हणून नायब तहसीलदार यांची निवड केली जाते तहसिलदार यांच्या गैरहजेरीत येणारे पत्र व्यवहार विविध विषयांवर चर्चा मार्गदर्शन करण्यासाठी व लोकांचे तंटे सोडविण्यासाठी नायब तहसीलदार यांची मदत होत असते. 

          बांधकाम कामगार व इतर श्रमजीवी कर्मचारी युनियन इस्लामपूर यांनी स्वताच्या मागणीसाठी नाहीतर सर्वसामान्य जनता यांच्यासाठी वेळोवेळी पत्र व्यवहार करत असते पण त्या कोणत्याही पत्र व्यवहाराचा कोणताही लेखी स्वरूपात उत्तर दिले जात नाही. याउलट आम्ही दाखल निवेदन तहसीलदार साहेब नसतील त्यावेळी कोणत्याही अधिकारी. व कर्मचारी यांनी आमच्या मागणी अर्जाला दाखल तारीख सुध्दा दिली नाही. हेच काम राजकारणी लोकाच असतं तर. आपल आॅफिस सोडून भेटायला सुध्दा जातात हे अधिकारी निवेदन तक्रार अर्ज मागणी अर्ज दाखल करणारा हा एक भारतीय नागरिक आहे त्याला आपल्या पत्राची दाखल तारीख देण्यासाठी अधिकारी नसेल नायब तहसीलदार नकार देत असेल तर या अधिकारी व कर्मचारी यांना आपल्या पदावर राहण्याचा अधिकार नाही निवेदन मध्ये काय लिहिलं आहे त्याची मागणी काय आहे त्याला न्याय मिळेल किंवा नाही हे वरिष्ठ अधिकारी यांच्या हातात आहे तुम्हाला दाखल तारीख देण्यास काय अडचण आहे 

           शासकीय कर्मचारी व अधिकारी महाराष्ट्र नागरी सेवा ( शिस्त व अपिल) नियम १९७९ अन्वये किंवा अशा कर्मचारी यांना कर्तव्यपालनातील कोणतीही कसूर किंवा कामात दिरंगाई यांच्या अंतर्गत कायदेशीर कारवाई करण्याची तरतूद आहे मग अशा अधिकारी व कर्मचारी यांच्यावर निलंबनाची कारवाई करण्यात यावी

     उदा दाखल खालील पत्र व्यवहार बघा

(१४/५/२०२०) रोजी तहसिलदार यांना टाळेबंदी काळात आवश्यक वस्तूंच्या नावाखाली परवाना देण्यात आलेल्या वाहनांची तपासणी करणे बाबत

(२२/६/ ‌२०२० ‌)रोजी बांधकाम कामगार कल्याणकारी मडळाचा लाभ मिळण्यासाठी सर्व शासकीय विभागातील सर्व उप बांधकाम अभियंता यांना बांधकाम कामगार नोंदणी अधिकारी म्हणून घोषित केले आहे त्यासाठी सर्वांना आदेश देण्यासाठी निवेदन सादर

(१८/६/२०२०/) रोजी ए पी एल शिधापत्रिका धारकांना धान्य मिळावे. यासाठी पत्र व्यवहार

(२२/७/२०२०))(१५/६/२०२०)(१३/७/२०२०)(२७/७/२०२०)(३०/७/२०२०)(१४/७/२०२०) (४/८/२०२०)(२६/८/२०२०)(१०/९/२०२०)(२१/९/२०२०)(१८/९/२०२०)(२३/८/२०२०)(२९/७/२०२०)(१७/८/२०२०)(४/८/२०२०)(३०/६/२०२०)(१९/६/२०२०)(२२/६/२०२०)(१/३/२०२१)(१०/५/२०२१)(१९/५/२०२१)(१२/८/२०२१)

           वरील प्रमाणे सर्व पत्र व्यवहार आत्मनिर्भर योजनेअंतर्गत परगावाहून पोटासाठी आलेल्या कामगारांना अन्न धान्य देणेबाबत. वेळोवेळी लाभार्थी यादी जमा करताना. रेशन कार्ड मधील नविन रेशनकार्ड काढणे. नाव कमी करणे. नाव वाढविणे. मयत लोकांची रेशनकार्ड मधील नावे कमी करणे. बांधकाम कामगार जीवीत नोंदणी ग्राह्य धरून त्याचा दारिद्र्य रेषेखाली समावेश करणे. अपंगांसाठी वेगळी शिधापत्रिका देणे त्वरित देणें पण आज एक वर्ष पूर्ण झाले तरी शिधापत्रिका नाही. शासकीय गोदाम तपासणी व पडताळणी करण्याची परवानगी. अशा विविध मागण्यासाठी आम्ही संबंधित तहसीलदार कार्यालय यांच्याशी वेळोवेळी सापेक्ष पणे पत्र व्यवहार केला आहे पण आजपर्यंत कोणत्याही पत्राचे उत्तर संबंधित विभागाने दिले नाही उलट त्या मागणीचा कोणताही विचार यांनी केला नाही. अशा पत्र व्यवहाराने कार्यालयात केवळ रद्दी गोळा झाली आहे अन्न सुरक्षा योजनेत सहभागी होण्यासाठी वर्षांपासून अर्ज पेंडीग आहेत राजकारणी लोकांना शिपाई अडवत नाही सर्वसामान्य माणसाला साहेब मिटिंगमध्ये आहेत असं सांगितलं जातं 

           असा प्रकार जर एका तहसिलदार कार्यालयात असेल तर प्रत्त्येक तालुक्यात एक तहसिलदार कार्यालय आहे त्यात सुध्दा असाच प्रकार असेल. कोणताही पत्र व्यवहार निवेदन अर्ज कोणताही अधिकारी घेण्यास नकार देऊ शकत नाही असे असेलतर संबंधित अधिकारी व कर्मचारी यांच्याबद्दल वरिष्ठ अधिकारी यांचेकडे तक्रार दाखल करता येते

        समाजसेवा बंद आंदोलन मोर्चा उपोषण रस्ता रोको आंदोलन निवेदन तक्रार अर्ज मागणी अर्ज प्रचार प्रसार जाहिरात प्रसिद्ध वाचन लेखन संबोधन प्रबोधन आणि मग नेतृत्व करण्यासाठी

बांधकाम कामगार व इतर श्रमजीवी कर्मचारी युनियन इस्लामपूर

रुग्ण हक्क व अधिकार समिती सांगली जिल्हा

रेशन अधिनियम कायदा २०१३ रक्षक समिती सांगली जिल्हा

मौलाना आझाद विचार मंच सांगली जिल्हा

माहिती अधिकार नियोजन समिती सांगली जिल्हा

संस्थापक अध्यक्ष अहमद नबीलाल मुंडे

९८९०८२५८५९