निराधार शोषित मनोरुग्ण मातेला १५ दिवसाच्या बाळासह 'मानवसेवेचा' आधार
अहमदनगर-
रात्रीचे दिड वाजलेले...अन् अवघ्या पंधरा दिवसांच्या बाळाला कुशीत घेऊन भेदरलेल्या अवस्थेत निराधार मनोरुग्ण महिला माका ता. नेवासा या गावात फिरत होती. दोन वर्षापासूनची तीची अवस्था बिकटच! विस्कटलेले केस...मळकटलेली साडी, तसी तिला कोणाचीच पर्वा नव्हती. काट्याकुट्यात स्वत:ची स्वत:च प्रसुती केली. ना डॉक्टर, ना दायी...आणि एका बाळाला जन्म दिला. दिड वर्षापासून रस्त्यावर फिरणा-या मातेवर काही नराधमांनी अत्याचार केले होते. याबाबत सोनई पोलीस स्टेशनचे पोलीस कॉस्ट्रेबल श्री माने, व स्थानिक ग्रामस्थांनी श्री अमृतवाहिनी ग्रामविकास मंडळाचे संस्थापक दिलीप गुंजाळ यांना कळवले. दिलीप गुंजाळ यांनी संस्थेच्या महिला स्वयंसेवकांच्या मदतीने निराधार मनोरुग्ण मातेची व बाळाची माहिती घेतली. निराधार मातेवर झालेल्या अत्याचाराचा गुन्हा दाखल करण्याची मागणी केली. तसा गुन्हा दाखल असल्याची माहिती पोलीस स्टेशनकडून मिळताच दिलीप गुंजाळ यांनी त्या रात्री आशेने तेवत असलेल्या निराधार मातेला,पंधरा दिवसांच्या बाळासह श्री अमृतवाहिनी ग्रामविकास मंडळाच्या *मानवसेवा* प्रकल्पात आणुन आधार दिला. या मातेवर मानसोपचार तज्ञ डॉ. अनय क्षीरसागर यांच्या मार्गदर्शनाने उपचार सुरु केले आहे. मातेला व बाळाला *मानवसेवा प्रकल्पात* दाखल करण्यासाठी मा.प्रा.अविनाश मुंडके, मा. श्री शशिकांत चंगेडे, मा.श्री संजय शिंगवी, मा. सौ.शारदा हौशिंग यांचे मोलाचे मार्गदर्शन लाभले. या माय-लेकराची अवस्था पाहून संस्थेच्या स्वयंसेवकांचे मन हेलावून गेले. संस्थेचे स्वयंसेवक अनिता मदणे, कोमल कांबळे, सिराज शेख, अंबादास गुंजाळ, राहुल साबळे, अशोक मदणे, सुशांत गायकवाड, प्रसाद माळी यांनी तातडीने भोजन व कपडे देवून तिची व बाळाची काळजी घेत आहेत.
*मानवसेवा हीच ईश्वर सेवा!*
👏👏👏🌹🇳🇪🌹👏👏👏
*मानवसेवा प्रकल्प*
(मन व घर हरवलेल्या मानसांच हक्काच घर)
द्वारा- *श्री अमृतवाहिनी ग्रामविकास मंडळ*
☎ (०२४१) २४२९९४२
📱९०११७७२२३३
वाचा -
मराठवाड्यातील पहिले बॅरिस्टर- उमर कमाल फारुकी .....
No comments:
Post a Comment