फाईल चोरीच्या आरोपावर दिले स्पष्टीकरण, वक्फ बोर्डाच्या बैठकीत 45 प्रस्तावावर चर्चा
औरंगाबाद, 8 जानेवारी
वक्फ बोर्डाचे सिईओ हे ३० जानेवारीला सेवानिवृत्त होत आहे. त्यांना मुदतवाढ देण्याचा शासनाचा प्रयत्न आहे तरी त्यांना मुदतवाढ देण्यास माझा विरोध आहे. पूर्णवेळ सिईओची शासनाने नियुक्ती करावी यासाठी पाच अधिका-यांच्या नावाची शिफारस केली आहे अशी माहिती पत्रकार परिषदेत वक्फ बोर्डाचे सदस्य अँड खालेद बाबू कुरेशी यांनी दिली आहे.
पुढे बोलताना त्यांनी सांगितले वक्फ मंत्र्यांनी फाईल चोरल्याचा खोटा आरोप लावला होता त्याबद्दल त्यांनी आज स्पष्टीकरण दिले. या कारणांमुळे सदस्यपद रद्द करण्याचा निर्णय शासनाने घेतला होता त्याला न्यायालयात आवाहन दिले होते. ज्या फाईल माझ्याकडे होत्या मी सदस्य असल्याने लॉकडाऊनच्या काळात कामकाज बंद असल्याने अभ्यासासाठी नेले होते. त्याची परवानगी वक्फ बोर्डाकडून घेण्यात आली होती असे ते म्हणाले. आजच्या बैठकीत ४५ प्रस्ताव ठेवण्यात आले आहे. त्यावर चर्चा करण्यात येणार आहे. वक्फ बोर्डात कामाचे नियोजन नाही. एनओसी, नवीन नोंदणीसाठी संबंधितांना चकरा माराव्या लागतात. सक्षम अधिकारी, कर्मचा-यांची कमतरता आहे. पूर्णवेळ सिईओ नसल्याने निर्णय लांबणीवर पडतात. शासनाकडून वक्फ बोर्ड कमकुवत करण्याचा प्रयत्न केला जात आहे. असा आरोप पत्रकार परिषदेत त्यांनी लावला. मराठवाडा महसूल प्रबोधिनी येथे दिवसभर बैठक सुरु होती. बैठकीला अशासकीय सदस्य अँड खालेद बाबू कुरेशी, शासकीय सदस्य इम्तियाज काजी, सिईओ अनिस शेख यांची उपस्थिती होती.
वाचा -
