ती तरणी, २४ वर्षीय अनाथ मुलगी रस्त्यावर, त्यात मनोरुग्ण!
रस्त्यावर फिरणा-या त्या अनाथ मनोरुग्ण मुलीला 'मानवसेवा' प्रकल्पाचे मायेचे छत!
मनावर पडलेला ताण आणि कोणतेही भान नसलेली एक २४ वर्षीय तरुणी अहमदनगर शहरात फिरत होती. या अनाथ तरुणीची माहिती आणि परिस्थिती अहमदनगर महिला व बालविकास विभागाच्या 'वन स्टॉप सेंटर' कडून श्री अमृतवाहिनी ग्रामविकास मंडळाचे संस्थापक दिलीप गुंजाळ यांना मिळाली. श्री अमृतवाहिनी ग्रामविकास मंडळाच्या माध्यमातून रस्त्यावर फिरणा-या बेघर, अनाथ, निराधार मनोरुग्णांच्या पुनर्वसनासाठी अरणगाव (मेहराबाद) येथे मानवसेवा प्रकल्प कार्यरत आहे. आणि रस्त्यावर फिरणा-या या अनाथ मनोरुग्ण मुलीला 'मानवसेवा' प्रकल्पाने दाखल करुन मायेचे छत दिले.
‘मी समाजाला नकोशी असणारी, एक अनाथ मुलगी आहे’त्या २४ वर्षीय तरुणीने मानवसेवा प्रकल्पात दाखल होताच हंबरडा फोडला. आत्महत्याच्या विचारांनी या तरुणींची पावलं मृत्यूच्या दरीकडे वळत होती. मात्र संस्थेच्या स्वयंसेवकांनी या मुलीला मानसिक आधार देत समुपदेशन केले. नवजीवनाच्या आशा निर्माण केल्या. मानसोपचार तज्ञ डॉ. अनय क्षीरसागर, डॉ. सुरेश घोलप यांच्या मार्गदर्शनाने या तरुणीवर उपचार सुरु करण्यात आले आहेत.
*सहायः समसुखदुःखः ॥*
*मानवसेवा प्रकल्प*
९०११७७२२३३
