अन्न व औष्ध प्रशासनाची खादय तेल उत्पादक, रिपॅकर्स यांचेवर कारवाईचा धडाका सुरुच.
राज्यातील जनतेच्या आरोग्याची प्रथम जबाबदारी लक्षात घेवून, त्यांच्या दैनंदिन आहारातील परिणामकारक अन्न पदार्थाचा दर्जा तपासण्याची जाणीव लक्षात ठेवून प्रशासनास प्राप्त होणा-या गोपनीय माहितीच्या आधारे धाडी आयोजीत करण्यात येतात.
राज्यातील अन्न व्यवसायाचा दर्जा उंचावणे तसेच अन्न व्यावसायीकांना अन्न सुरक्षा व मानके कायदयाच्या तरतुदींचे पालन करण्यासाठी मार्गदर्शन करणे हा देखील धाडीचा अन्य हेतू असतो.
दिनांक 10.02.2021, बुधवार रोजी अश्याच नियोजनाचा भाग म्हणून मुंबई आणि पालघर परिसरातील काही खादयतेल व्यवसायीकांवर धाडी घालण्यात आल्या.
या धाडीत मुंबई परिसरातील 1) मे. ऑईल वेल ऑईल सेंटर, लोटस कॉलनी, गोवंडी, मुंबई-43 2) मे. जि.के.ऑईल सेंटर, जि.एम.लिंक रोड, गोवंडी, मुंबई -43 व पालघर जिल्हयातील 3) मे. ओमकार ट्रेडींग कंपनी, सातीवली,, वसई, जि. पालघर, 4) मे. शिवाय ट्रेडींग कपंनी, सातीवली, वसई पूर्व, जि. पालघर या चार खादयतेल उत्पादक व रिपॅकर्स यांच्यावर कारवाई घेण्यात आली. एकूण 13 अन्न सुरक्षा अधिकारी सदर धाडीत सामील झालेले होते. सर्व ठिकाणी मिळूण एकूण 1,60,26,259.63/- (एक करोड साठ लाख सव्विस हजार दोनशे एकोणसाठी फक्त) रुपायांचा खादय तेलाचा साठा जप्त करण्यात आला व एकूण 40 खादय तेलाचे नमुने विश्लेषणार्थ घेण्यात आले.https://www.videosprofitnetwork.com/watch.xml?key=3839313865336562633164386238313236316165366464653036363733353764
धाडीचा उद्देश व परिणाम तपासता यावा म्हणून प्रथम प्राधान्याने विश्लेषण अहवाल मागवण्यात आले. घेण्यात आलेल्या सर्व नमुन्यांचे विश्लेषण केलेअसता 40 नमुन्यांपैकी 28 नमुने प्रमाणीत व 12 नमुने कमी दर्जाचे असल्याचे आढळून आले आहेत.
एकूण घेतलेल्या शेंगदाणा तेलाच्या 06 नमुन्यापैकी 06 नमुने (100 टक्के) कमी दर्जाचे असल्याचे आढळून आले.
एकूण घेतलेल्या मोहरी तेलाच्या 11 नमुन्यापैकी 03 नमुने (27.27 टक्के) कमी दर्जाचे असल्याचे आढळून आले.
एकूण घेतलेल्या सोयाबिन तेलाच्या 02 नमुन्यापैकी 02 नमुने (100 टक्के) प्रमाणीत असल्याचे आढळून आले.
एकूण घेतलेल्या सुर्यफुल तेलाच्या 02 नमुन्यापैकी 02 नमुने (100.00 टक्के) कमी दर्जाचे असल्याचे आढळून आले.
एकूण घेतलेल्या पामोलिन तेलाच्या 13 नमुन्यापैकी 01 नमुने (7.69 टक्के) कमी दर्जाचे असल्याचे आढळून आले.
एकूण घेतलेल्या कॉटनसिड तेलाच्या 02 नमुन्यापैकी 02 नमुने (100 टक्के) प्रमाणीत असल्याचे आढळून आले.
एकूण घेतलेल्या राईस ब्रान तेलाच्या 04 नमुन्यापैकी 04 नमुने (100 टक्के) प्रमाणीत असल्याचे आढळून आले.
उपरोक्त कारवाई श्री शशिकांत केकरे, सह आयुक्त (अन्न), बृहन्मुंबई विभाग, अन्न व औषध प्रशासन, म.राज्य, मुंबई यांच्या मार्गदर्शनाखाली घेण्यात आली.
प्रमाणीत आढळलेल्या खादय तेलाचा जप्तसाठा तात्काळ विक्रीसाठी खुला करण्याचे व अप्रमाणीत नमुन्या बाबतीत कडक कायदेशीर कारवाई करण्याचे निर्देश अन्न सुरक्षा आयुक्त, म.राज्य यांनी दिले आहेत.
नागरीकांना अन्न पदार्थाच्या किंवा औषधांच्या दर्जा विषयी काही श्ंका असल्यास प्रशासनाचा टोल फ्री क्रमांक 1800222365 वर तक्रार करावी असे आवाहान मा. अन्न सुरक्षा आयुक्त यांनी केले आहे.
(शशिकांत केकरे)
सह आयुक्त, बृहन्मुंबई.
वाचा -
कामगार आणि हडताल A . Munde ....
No comments:
Post a Comment