मानवसेवा प्रकल्पाने दाखवली‘माणुसकी’!
निराधार मानसिक विकलांग तरुणाला आधार
सुपा ता. पारनेर येथे एका निराधार मनोविकलांग तरुणामुळे भीतीचे वातावरण तयार झाले होते. केस वाढलेले, दाढी-आंघोळीचा पत्ता नाही, अवतार मळकटलेला! रस्त्यावर ही कड ते ती कड फिरून जेवण अन्नपाणी मागणे त्यामुळे महिलांमध्ये अतिशय भितीचे वातावरण निर्माण झाले होते. काही महिलांनी सुपा पोलीस स्टेशनला कळवले. सुपा पोलीस स्टेशनचे मा. श्री संदिप चौधरी साहेब यांनी श्री अमृतवाहिनी ग्रामविकास मंडळाच्या‘मानवसेवा’प्रकल्पाला माहिती दिली, आणि या तरुणाला दाखल करुन घेण्याबाबत विनंती केली. या निराधार मानसिक विकलांग तरुणाच्या डोळ्यातून रक्त वाहत होते, संपुर्ण शरीर मळकटले होते. अतिशय अस्वस्थ झालेल्या या तरुणाला श्री अमृतवाहिनी ग्रामविकास मंडळाचे संस्थापक दिलीप गुंजाळ व संस्थेच्या स्वयंसेवकांनी दि. २९/१०/२०२० रोजी मानवसेवा प्रकल्पात दाखल करुन घेतले. जेवण देवून, दाढी, आंघोळ-स्वच्छ-कपडे इतकंच नाही तर त्याला मानसोपचार तज्ञ डॉ. अनय क्षीरसागर यांच्या मार्गदर्शनाने उपचार सुरु केले. या तरुणावर उपचार करुन, कुटुंब शोधून पुनर्वसनही करण्यात येणार असल्याचे संस्थेचे संस्थापक दिलीप गुंजाळ यांनी म्हटले.‘जे का रंजले गांजले, त्‍यासि म्‍हणे जो आपुले, तोचि साधु ओळखावा, देव तेथेंचिं जाणावा’या उक्‍तीचा तंतोतंत प्रत्‍यय श्री अमृतवाहिनी ग्रामविकास मंडळाचे स्वयंसेवक अंबादास गुंजाळ, सिराज शेख, प्रसाद माळी, राहुल साबळे, सुशांत गायकवाड, अशोक मदणे, अनिता मदणे यांनी दाखवून दिला.
*मानवसेवा हीच ईश्वर सेवा!*
*मानवसेवा प्रकल्प*
(मन व घर हरवलेल्या माता-भगिनीं व बंधूंचे हक्काचे घर)
द्वारा- *श्री अमृतवाहिनी ग्रामविकास मंडळ*
☎ (०२४१) २४२९९४२
📱 ९०११७७२२३३
No comments:
Post a Comment