जनमतांचा प्रहार जनवार्ता : गुजरात राज्यातील हरवलेल्या वृद्ध महिलेला मानवसेवा प्रकल्पामुळे पुन्हा मिळाले कुटुंब

अहमदनगर:- शनिवार दि.२/०१/२०२१

वाट हरवलेली एक निराधार दिव्यांग मानसिक विकलांग वृध्द महिला नगर-पुणे महामार्गावर दुभाजकात बसलेली होती. "हरवले आभाळ ज्यांचे हो तयाचा सोबती.." हरवलेल्या या महिलेला श्री अमृतवाहिनी ग्रामविकास मंडळाच्या “मानवसेवा” प्रकल्पात दि.१७/०७/२०२० रोजी आधार दिला. मानवसेवा प्रकल्पाने या निराधार महिलेला अन्न, वस्र, निवारासह उपचार आणि समुपदेशन केले. मानसोपचार तज्ञ डॉ. अनय क्षीरसागर यांच्या मार्गदर्शनाने उपचार दिले. समुपदेशनातून मिळालेल्या माहितीवरुन संस्थेचे समुपदेशक सुशांत गायकवाड यांना अखेर या दिव्यांग मातेचे कुटुंब शोधण्यात यश मिळाले. हि वृध्द माता गुजरात राज्यातील पिप्रोळ या गावातील गरीब व आदिवासी कुटुंबातील असल्याचे समजले. सदर महिलेची गुजरात येथे धरमपुर पोलीस स्टेशन येथे हरवल्याची केस नोंद केलेली होती. ही संपुर्ण माहिती घेवून संस्थेचे संस्थापक दिलीप गुंजाळ आणि स्वयंसेवक राहूल साबळे, आनिता मदणे, सोमनाथ बर्डे, राहूल शिरसाठ हे या वृद्ध मातेला घेवून दि. २/०१/२०२१ रोजी थेट गुजरात राज्यातील पिप्रोळ या ठिकाणी तिच्या कुटुंबात पोहचवून तिच्या कुटुंबाला आणि मुलांना नव वर्षाची भेट दिली.

तब्बल दोन वर्षानंतर आई पुन्हा कुटुंबात आल्याने मुलगा अश्विनभाई यांच्या अश्रूंचा बांध फुटला. आणि श्री अमृतवाहिनी ग्रामविकास मंडळाचे संस्थापक दिलीप गुंजाळ व सर्व स्वयंसेवकांचे आभार मानले. या मातेच्या पुनर्वसनानंतर मा श्री अविनाश मुंडके सर यांनी संस्थेच्या कार्याचे भरभरुन कौतुक केले. प्रकल्पात या मातेसाठी संस्थेचे स्वयंसेवक मणिषा ठोसरे, नितीन बर्डे, प्रसाद माळी, सुशांत गायकवाड, सोमनाथ बर्डे, स्वप्नील मधे, कृष्णा बर्डे, राहूल साबळे, अजय दळवी, अनिता मदणे, सिराज शेख, अशोक मदणे यांनी परिश्रम घेतले.

“मानवसेवा हीच, ईश्वर सेवा!”

•••••••••••••••••••••••••••••

मानवसेवा प्रकल्प

(मन व घर हरवलेल्या मानसांच हक्काचं घर)

द्वारा- श्री अमृतवाहिनी ग्रामविकास मंडळ

☎ (०२४१) २४२९९४२

📱 ९०११७७२२३३