आरक्षणा बाबत सरकारने सकारात्मक दृष्टीकोन ठेवावा- हाजी इर्शादभाई
"महाराष्ट्र सरकारने मुस्लिम आरक्षणासंदर्भात सकारात्मक दृष्टीकोन ठेवून त्वरित आरक्षणाचा अध्यादेश काढावा " असे आवाहन महाराष्ट्र स्टेट मायनाॅरीटीज फेडरेशनचे चेअरमन व राष्ट्रवादी काँग्रेस पक्षाचे प्रदेश उपाध्यक्ष हाजी इर्शादभाई यांनी केले आहे.
पुणे येथे आयोजित समविचारी संघटनांच्या प्रतिनिधी बैठकीच्या अध्यक्ष स्थानावरून ते बोलत होते.
" मुस्लिम आरक्षण हा अल्पसंख्यक समुदाय म्हणून मुस्लिम समाजाचा तो संविधानिक अधिकार आहे. मुस्लिम समाज आर्थिक- सामजिक- शैक्षणिक दृष्टया अतिशय मागासलेला असून आरक्षणामुळे तो राष्ट्रीय प्रवाहात सामील होऊन उन्नती कडे मार्गस्थ होईल. सरकारने वेळकाढूपणा न करता त्वरित अध्यादेश काढून समाजाला न्याय दयावा. समाजातील लोकप्रतिनिधी व विविध पक्षातील नेत्यांनी समाजाची बांधीलकी व आपल्या कर्तव्याची जाण ठेवून सरकारला आरक्षणा संदर्भात निर्णय घेण्यास भाग पाडावे" असे प्रतिपादन हाजी इर्शादभाई यांनी केले आहे.
यावेळी प्रसिध्द कायदेतज्ञ अॅड. समीर शेख,महाराष्ट्रीयन मुस्लिम विकास परिषदेचे प्रदेश उपाध्यक्ष डॉ. परवेज अशरफी , मदर टेरेसा फाउंडेशनचे प्रदेश उपाध्यक्ष अॅड. सुफीयान शेख, संविधान साक्षरता अभियानचे प्रमुख अलीम वजीर पटेल, फैयाज सय्यद, शाहनवाज पानसरे, अकीलभाई आतार, सरवर पठान, एजाज सय्यद, वसीम खान आदि प्रमुख मान्यवर उपस्थित होते.
https://janmatanchaprahar.blogspot.com/2020/10/aimim-bihar-election.html
No comments:
Post a Comment