सर सय्यद अहमदखान यांनी शिक्षण व्यवस्थेला आधुनिकतेची जोड दिली
- युनुसभाई तांबटकर
अहमदनगर- पारंपारिक मदरसा प्रणित शिक्षण व्यवस्था आणि ब्रिटीशांच्या आगमनानंतर भारतात आलेली चर्चप्रणित शिक्षण व्यवस्था यातील संघर्षात पारंपारिक मदरसाप्रणित शिक्षण व्यवस्थेला आधुनिक शिक्षणाची जोड देण्याचे महत्वपूर्ण कार्य सर सय्यद अहमदखान यांनी पार पाडले. म्हणूनच डॉ.राजेंद्रप्रसाद आणि डॉ.जाकीर हुसेन सारखे राष्ट्रपती याच मदरसा शिक्षण व्यवस्थेतून निर्माण होऊ शकले. त्यांच्यामुळे केवळ मुस्लिम समाजाचं नव्हे तर संपूर्ण भारतीय समाजच इंग्रजी भाषेतून शिक्षण घेऊ लागला. त्यांनी मध्ययुगीन भारतातील चाळीसपेक्षा जास्त अरबी, फारशी ग्रंथांची इंग्रजीत भाषांतरे केली हे त्यांचे सर्वात मोठे कार्य आहे, असे प्रतिपादन रहमत सुलताना फाऊन्डेशनचे अध्यक्ष युनुसभाई तांबटकर यांनी केले.
मखदुम सोसायटीच्यावतीने स्वातंत्र्य सेनानी सर सय्यद अहेमद खान यांची जयंती साजरी करण्यात आली. याप्रसंगी युनुसभाई तांबटकर, रुग्नमित्र नादीर खान,मुस्कान असोसिएशनचे अध्यक्ष शफकत सैय्यद, एम.आय एम.च्या विधार्थी संघाचे अध्यक्ष शाहनवाझ तांबोली, तारीक शेख, जावेद मास्टर, आबीद दुलेखान आदि उपस्थित होते.
प्रास्तविक करतांना शफकत सैय्यद यांनी सांगितले की, आज आपण स्वत:चे वाढदिवस थाटामाटात साजरे करत असतो; पण ज्यामुळे स्वातंत्र्य उपभोगत आहोत, त्यांचा जन्मदिवस साजरा करण्यात फार उदासिनता जाणवते, ही समाजाचे दुर्भाग्य आहे, असे नमूद केले.
कार्यक्रमाचे सूत्रसंचालन शाहनवाझ तांबोली यांनी केले, तर आभार तारीक शेख यांनी मानले. कार्यक्रम यशस्वीतेसाठी आबीद दुलेखान यांनी परिश्रम घेतले.
वाचा -
Masha Allah
ReplyDelete