दिनांक २३/१२/२०२1 रोजी अन्न व औषध प्रशासन, दक्षता व गुप्तवार्ता विभागास प्राप्त माहितीनुसार मेसर्स सिग्मा लाइफसायन्स, बंगलो भूखंड क्रमांक-२०४-२४४, आरएससी-४१, गोराई 2, प्रगती शाळेसमोर, बोरिवली पश्चिम, मुंबई-400092 या पेढीची online तपासणी केली असता तेथे Health Supplements चे उत्पादन होत असल्याचे आढळून आले. सदर ठिकाणी Health Supplement 100% Whey Protein(Ammolabz) व Dietary Supplement Progenix Mass Addict चा उत्पादित करून ठेवलेला साठा आढळून आला. सदर ठिकाणी Health Supplement 100% Whey Protein(Ammolabz) व Dietary Supplement Progenix Mass Addict चे अन्न नमुने घेवून Health Supplement 100% Whey Protein (Ammolabz) ह्या अन्नपदार्थाचा उर्वरित 76 जार (कंटेनर), ५,७५,३२०/- रुपये चा साठा तर Dietary Supplement Progenix Mass Addict ह्या अन्नपदार्थाचा उर्वरित १०० जार (कंटेनर), १,४५,०००/- रुपये चा साठा हा काही घटकांचे प्रमाण हे RDA पेक्षा जास्त असल्याने Food Safety and Standards (Health Supplements, Nutraceuticals, Food for Special Dietary Use, Food for Special Medical Purpose, Functional Food and Novel Food) Regulations, 2016 चे उल्लंघन होत असल्यामुळे तसेच कमीदर्जा चा असल्याच्या संशयावरून व जन आरोग्य हितार्थ जप्त करण्यात आला आहे. सदर अन्न नमुने विश्लेषणासाठी प्रयोगशाळेत पाठविण्यात आले आहेत. विश्लेषण अहवाल प्रलंबित असून अहवाल प्राप्त झाल्यानंतर अन्न सुरक्षा व मानदे कायद्यानुसार पुढील योग्य ती कार्यवाही घेण्यात येईल. सदरची कारवाई श्री. समाधान पवार, सह आयुक्त (दक्षता व गुप्तवार्ता), अन्न व औषध प्रशासन, म. राज्य, श्री.श.रा.केकरे, सह आयुक्त (अन्न),अन्न व औषध प्रशासन, बृहन्मुंबई व श्री.रा.दि.पवार, सहायक आयुक्त (अन्न), परिमंडळ १ यांचे मार्गदर्शनाखाली श्री. ज्ञा. सु. महाले, अन्न सुरक्षा अधिकारी, दक्षता व गुप्तवार्ता (मुख्यालय), श्री. एम. आर. महंगाडे, अन्न सुरक्षा अधिकारी, दक्षता व गुप्तवार्ता (बृहमुंबई), श्री. एन. एस. विशे, अन्न सुरक्षा अधिकारी, दक्षता व गुप्तवार्ता (बृहमुंबई), श्री. ता. ग. लोखंडे, अन्न सुरक्षा अधिकारी, बृहन्मुंबई व श्री. जी. एम. गायकवाड, अन्न सुरक्षा अधिकारी, बृहन्मुंबई यांनी केली आहे.
x
No comments:
Post a Comment