मोफत शिबीराच्या माध्यमातून गरजूंची मोठी सोय -युनूस तांबटक़र
अहमदनगर - आज कोरोनामुळे जनजीवन विस्कळीत झाले आहेत. रोजगाराबरोबरच अनेक प्रश्‍न निर्माण झाले आहेत, अशा परिस्थिती मोफत शिबीराच्या माध्यमातून सर्वसामान्य व गरजूंना दिलासा देण्याचा उपक्रम मिसगर ट्रस्टच्यावतीने घेऊन चांगला उपक्रम राबविल आहे. आज नेत्र तपासणी व मोतीबिंदू समस्या वाढत आहे, त्याचबरोबर त्याचाही खर्च वाढत आहे. मोफत शिबीरातून अशा रुग्णांची मोठी सोय होऊन त्यांच्यावर अल्पदरात शस्त्रक्रिया होत आहे, ही कौतुकास्पद बाब आहे. कोरोनामुळे म्युकरमायकोसिस सारख्या आजार उद्भवत असल्याने प्रत्येकाने तपासणी करणे गरजेचे आहे. त्यामुळे रोगांचे निदान झाल्यास त्यावर उपचार करणे सोपे होईल. अशा मोफत शिबीराचे प्रत्येक भागात आयोजन होणे गरजेचे असल्याचे प्रतिपादन रहेमत सुलतान फौंडेशनचे अध्यक्ष युनूसभाई तांबटकर यांनी केले.
मिसगर डायग्नॉस्टिक सेंटर व आनंदऋषीजी नेत्रालय यांच्या संयुक्त विद्यमाने दाणे डबरा, मौलाना आझाद रोड येथील मिसगर डायग्नोस्टिक सेंटर येथे मोफत नेत्र तपासणी व मोतीबिंदू शिबीराचे आयोजन करण्यात आले होते. याप्रसंगी प्रमुख पाहुणे म्हणून मिसगर ट्रस्टचे इम्रान शफी अहमद शेख, इम्रान जमिर खान, फरहान खालीद खान, नविद आरिफ तांबटकर, कॉ.बहिरनाथ वाकळे, कॉ.प्रा.महेबुब सय्यद, इंजि. अभिजित वाघ, संध्या मेढे, रुग्णमित्र नादीर खान, इतिहास प्रेमी मंडळाचे अध्यक्ष आसिफ दुलेखान आदि मान्यवर उपस्थित होते.
या शिबीरामध्ये 192 रुग्णांची तपासणी किरण कवडे, महेश भोसले, ओंकार वाघमारे यांनी केले. तर 62 रुग्णांवर आनंदऋषीजी हॉस्पिटलमध्ये अल्पदरात शस्त्रक्रिया करण्यात येणार आहे. चष्म्याचे नंबर तनवीर चष्मावाला व अल्ताफ शेख यांनी तपासणी करुन अल्पदरात चष्मे दिले.
कार्यक्रमाचे प्रास्तविकात डॉ.परवेझ अशरफी म्हणाले, मिसगर ट्रस्टच्या माध्यमातून विविध उपक्रमद्वारे नागरिकांच्या गरजा ओळखून त्यांना मदत केली जाते. विशेषत: आरोग्य सेवाबाबत मोफत शिबीराच्या माध्यमातून सेवा करण्याचा प्रयत्न होत आहे. आज मोफत नेत्र शिबीराबरोबरच शस्त्रक्रिया होत असल्याने रुग्णांमध्ये समाधान व्यक्त होत आहे. यातच आम्हाला आनंद आहे.
सूत्रसंचालन शहानवाज तांबोळी यांनी केले तर आभार शफकत सय्यद यांनी मानले. शिबीर यशस्वीतेसाठी आबीद दुलेखान, फिरोज शेख, मसुद खान, मिसगर ट्रस्टचे पदाधिकार्‍यांनी परिश्रम घेतले.
No comments:
Post a Comment