मोकाट कुत्रे पकडणाऱ्या पथकाच्या सन्मानार्थ आयोजित सत्कार सोहळा संपन्न...

मोकाट कुत्रे पकडणाऱ्या पथकाच्या सन्मानार्थ आयोजित सत्कार सोहळा संपन्न।

अहमदनगर : येथील सामजिक कार्यकर्ते मुबीन शेख यांनी धरती चौक, हातीमपूरा, काळू बागवान गल्ली, सतरंजी मस्जिद रोड परिसरातील भटक्या कुत्र्यांचा उपद्रव थांबविण्यासाठी मनपा आयुक्त श्री. श्रीकांत मायकलवार साहेब यांच्याशी व्हाट्सअपवार पत्रव्यवहार व सततचा पाठपुरावा करून योग्य ती कार्यवाही करण्याची विनंती केली होती। याबाबतीत दखल घेऊन आयुक्त साहेबांच्या निर्देशानुसार आज भटके कुत्रे पकडणारे पथक श्री. बापू धनगर यांच्या नेतृत्वालाखाली या परिसरात भल्या पहाटेच दाखल झाले होते। 

दोन तासांच्या अथक प्रयत्नाअंती मोठ्या कौशल्याने या पथकातील सदस्यांनी या परिसरातील कुत्र्यांना पकडून शासन नियमानुसार निर्बिजिकरणाची शस्त्रक्रिया करण्याकरिता नेले आहेत।

याप्रसंगी सामजिक कार्यकर्ते मुबीन शेख यांनी सांगितले की, "सदर क्षेत्रात वाढलेल्या कुत्र्यांचा त्रास नागरिकांना असह्य झाला होता। यावर उपाय योजना करणे गरजेचे होते। यासाठी या भागात राहणारे माजी जिल्हा समाजकल्याण अधिकारी रफिक मुन्शी साहेब हे देखील आग्रही होते। विशेषकरून लहान मुलं व शेळ्यांना या कुत्र्यांपासून धोका निर्माण झालेला होता। मोठ्या हिमत व कौशल्याने हे कार्य करणारे या पथकातील सदस्यांच्या सेवाकार्याचे कौतुक होऊन त्यांच्याप्रति कृतज्ञता व्यक्त करणे गरजेचे होते म्हणून गुलाबपुष्प देऊन हा छोटेखानी सत्कार सोहळा आयोजित केला होता।"

याप्रसंगी शाकीर तांबोळी, समीर रफिक मुन्शी, अनिल ओहोळ, रतनदादा व परिसरातील नागरिक मोठ्या संख्येने उपस्थित होते।